Një skenë e pazakontë ka ndodhur mbrëmjen e djeshme në Tiranë ku kryetari i Ballit Kombëtar, Adriatik Alimadhi është marrë forcërisht nga forcat e policisë. Ngjarja ka ndodhur në një lokal në kryeqytet ku disa efektivë janë futur brenda lokalit ku ndodhej Alimadhi dhe kanë debatuar.
Pasi debatojnë, një prej efektivëve shihet duke kapur prej krahu Alimadhim, i cili ka kundërshtuar shoqërimin dhe e nxjerrin jashtë lokalit.
Në ndihmë efektivit i vjen edhe një koleg tjetër, të cilët e marrin me forcë dhe e fusin në makinën e policisë.
Ndërkohë ende nuk ka asnjë reagim nga ana e Policisë së Shtetit, se për çfarë arsyesh është shoqëruar kryetari i Ballit Kombëtar, Adriatik Alimadhi në komisariat.