Këtë të enjte janë publikuar rezultatet e testimit të Maturës Shtetërore në lëndën Gjuhë e Huaj.
Ky test është kryer nga 25 743 maturantë, ndërsa shkalla e kalueshmërisë është 98.45%.
Sipas të dhënave, 216 maturantë kanë arritur të marrin notën maksimale 10.00, duke rezultuar ekselentë, kurse 399 të tjerë nuk kanë marrë dot notë kaluese.
Nota mesatare për testin e Gjuhës së Huaj është 7.80 (Notat i gjeni duke klikuar këtu)
Maturantët deri tani kanë testuar njohuritë e tyre në dy provime, përkatësisht në Gjuhën e Huaj dhe në Gjuhë Shqipe dhe Letërsi.
Pas dy të parëve, maturantët do t’i nënshtrohen edhe dy testeve të tjera, atij të Matematikës dhe Lëndës me Zgjedhje.