Kryeministri izraelit Benjamin Netanyahu ka udhëzuar kabinetin e tij të nisë “negociata të drejtpërdrejta” me Libanin “sa më shpejt të jetë e mundur”, duke thënë se bisedimet do të fokusohen në çarmatimin e Hezbollahut dhe në vendosjen e marrëdhënieve paqësore mes dy vendeve.
Netanyahu tha se negociatat do të përqendrohen në “çarmatimin e Hezbollahut dhe vendosjen e marrëdhënieve paqësore mes Izraelit dhe Libanit.”
“Për shkak të kërkesave të përsëritura të Libanit për të filluar negociata të drejtpërdrejta me Izraelin, dje i dhashë udhëzime kabinetit që të fillojë negociatat e drejtpërdrejta me Libanin sa më shpejt të jetë e mundur”, tha Netanyahu.
“Negociatat do të përqendrohen në çarmatimin e Hezbollahut dhe vendosjen e marrëdhënieve paqësore midis Izraelit dhe Libanit.”
Zyra e Presidentit të Libanit, Joseph Aoun, i tha CNN se “nuk ka koment” kur u pyet për deklaratat e Netanyahut.
Ndërkohë, situata në Ngushticën e Hormuzit është në dyshim, me zëvendësministrin e jashtëm të Iranit që i tha BBC-së se Teherani do të “sigurojë kalim të sigurt” vetëm “pasi SHBA-të të ndalojnë agresionin e tyre”.
Presidenti iranian Masoud Pezeshkian tha se sulmet izraelite ndaj Libanit përbëjnë shkelje të marrëveshjes së armëpushimit dhe “i zbrazin negociatat në vazhdim pa kuptim”. Në një postim në platformën X, presidenti iranian theksoi se Teherani “nuk do ta braktisë popullin libanez”.