Kryeministri i Shqipërisë, Edi Rama, do të zhvillojë nesër një takim zyrtar me Sekretarin e Përgjithshëm të NATO-s, Mark Rutte, në selinë qendrore të Aleancës në Bruksel.
Takimi pritet të nisë në orën 09:00 të mëngjesit dhe është pjesë e axhendës zyrtare të vizitës së Ramës në kryeqytetin evropian.
Sipas njoftimit të publikuar në faqen zyrtare të NATO-s, pas takimit dy liderët do të mbajnë një deklaratë të përbashkët për mediat.
Ndërkohë, ditën e sotme është shënuar një tjetër hap i rëndësishëm për integrimin evropian të vendit, pasi Bashkimi Evropian ka hapur negociatat për katër kapituj të tjerë në procesin e anëtarësimit të Shqipërisë në BE.
Takimi i nesërm me Sekretarin Rutte pritet të fokusohet në rolin e Shqipërisë brenda Aleancës, zhvillimet në rajon dhe çështjet e sigurisë euroatlantike.