Gjykata e Lartë vendosi dje që t’i shuante shpresat Fredi Belerit duke e lënë sërish në burg.
Menjëherë pas vendimit ka reaguar ministri i jashtëm grek, Girogios Gerapetritis, i cili ka kërkuar nga qeveria shqiptare të sigurojë betimin e menjëhershëm të Belerit si kryetar bashkie, brenda apo jashtë burgut.
Greqia e ka cilësuar si zhvillim negativ këtë vendim ndërsa thotë se nëse Shqipëria do të bëhet anëtare e Evropës, duhet të respektojë parimet e shtetit të së drejtës.
“Ne do të vijojmë ta monitorojmë nga afër zhvillimin e kësaj çështjeje dhe do ta ngrejmë në të gjitha forumet nderkombëtare. Nëse Shqipëria dëshiron të bëhet anëtare e familjes evropiane, duhet të respektojë me përpikëri parimet themelore të shtetit të së drejtë”, ka deklaruar kryediplomati grek për mediat vendase.
Fredi Beleri, u arrestua 2 ditë para zgjedhjeve vendore.