Një sasi lënde narkotike është sekuestruar në paraburgimin 313 në Tiranë. Mësohet se në disa ushqime u konstatua hashash dhe kokainë, të cilat ishin për Oltjon Asllanin.
Ky i fundit ndodhet në qeli që prej gushtit të kaluar, pasi qëlloi me armë drejt një mjeti në lëvizje në zonën e Kombinatit, pas një konflikti me disa persona.
Ndërkohë vijojnë verifikimet se si lënda narkotike ka hyrë në ambientet e burgut,
Kujtojmë se një ditë më parë, gjatë një kontrolli në burgun e Fushë-Krujës, është gjetur një telefon celular.
Ndërkohë, një tjetër celular ishte konstatuar javën e kaluar në burgun e Peqinit.