Dy persona kanë përfunduar në pranga nga policia e Vlorës pasi u kapën duke transportuar lëndë narkotike
Të arrestuarit janë Viktor Jaupaj, 53 vjeç dhe Kujtim Metaj, 37 vjeç. Ata u ndaluan teksa lëviznin me automjet në fshatin Novoselë, brenda të cilit u gjet 400 gr kokainë, e cila po transportohej për t’u shitur në Vlorë.
Pas një kontrolli në banesën e Viktor Jaupajt, u gjetën edhe 2 kg e 979 gramë kokainë dhe 133 gramë heroinë.
Dyshohet se këta shtetas, pasi siguronin lëndë narkotike në sasi të mëdha në Fier, e transportonin atë drejt Vlorës, ku më pas ua shitnin shtetasve të tjerë, të cilët e shpërndanin në doza.
Policia sekuestroi lëndën narkotike, e cila arrinte vlerën e rreth 810 mijë euro.