Është ekstraduar nga Italia drejt Shqipërisë, biznesmeni Bujar alias Marsel Shega, i njohur si krahu i djathtë i Suel Çelës.
Shega u arrestua në nëntor të 2024-ës me urdhër të SPAK ndërsa GJKKO ka caktuar masën “arrest me burg” ndaj tij. 52 vjeçari akuzohet për trafik droge dhe pastrim parash, kryer në kuadër të grupit të strukturuar kriminal.
Shega është administrator i dy kompanive, Viola Green dhe Wonder Green, të cilat dyshohet se kanë pastruar para të grupeve kriminale, duke përfshirë edhe një grup me bazë në Dubai që ka investuar në pasuri të paluajtshme në Tiranë.
“Ekstradohet nga Milano, një 52-vjeçar i akuzuar nga GjKKO, për trafikim të lëndëve narkotike dhe pastrim të parave, kryer në kuadër të grupit të strukturuar kriminal.
Në vijim të bashkëpunimit të ngushtë ndërmjet Interpol Tiranës dhe Interpol Romës, u finalizua procedura e ekstradimit në Shqipëri, të shtetasit të shpallur në kërkim ndërkombëtar, të arrestuar në Itali, M. Sh. alias B. Sh., 52 vjeç, i lindur në Elbasan.
Në vitin 2024, Gjykata e Posaçme e Shkallës së Parë për Korrupsionin dhe Krimin e Organizuar i ka caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Pastrimi i produkteve të veprës penale ose veprimtarisë kriminale”, kryer në kuadër të grupit të strukturuar kriminal”, njoftoi policia.