Eria Ago, e dashura e Safet Bajrit do të qëndrojë në burg. Apeli i GJKKO ka lënë në fuqi vendimin e shkallës së parë për Agon, e cila ra në pranga 5 ditë pas arrestimit të Bajrit.
Mësohet se e reja, e akuzuar për përkrahje të autorit të krimit, është e përfshirë në vrasjen e Fatbardh Licit, ngjarje kjo e ndodhur në vitin 2018.
Ago dyshohet se pas vrasjes të Licit të ketë ndihmuar në arratisjen e Astmer Bilalit, duke e sjellë nga Shkodra në Tiranë.
Raportohet se SPAK ka në dorë disa biseda të saj dhe Safet Bajrit, ndërsa vetëm një ditë para ngjarjes, më 19 gusht, mendohet të ketë qenë duke festuar me Safet Bajrin në tallava në Tiranë.
Eria Ago, ka mohuar akuzat e ngritura ndaj saj, duke thënë se nuk ka dijeni në lidhje me ngjarjen.