Disa qytetarë në Dibër kanë përfunduar në spital pasi kanë shfaqur shenja helmimi.
Ende nuk dihet burimi nga ku mund të jenë helmuar njerëzit, por sipas njoftimit të policisë mes pacientëve ka edhe të mitur.
Dibër/informacion paraprak
Komisariati i Policisë Dibër, ka marrë njoftim se disa shtetas (mes tyre dhe disa të mitur), banorë të bashkisë Dibër, ishin paraqitur në spitalin rajonal të qytetit të Peshkopisë, për ndihmë mjekësore me simptoma si ata të helmimit.
Me marrjen e njoftimit, është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit.
Në përfundim të hetimeve, do të ketë informacion më të detajuar.