Një ngjarje e rëndë ka ndodhur mëngjesin e sotëm në zonën e ish Bllokut në Tiranë.
Sokol Mëngjesi, avokati i ish-kryeministrit Sali Berisha është goditur me grushte dhe me levë.
Ai është dhunuar nga persona ende të paidentifikuar.
Avokati po merr ndihmë mjekësore në spital.
Njoftim paraprak i Policisë së Shtetit
Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat.
I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve.
Gjendja e tij shëndetësore është e stabilizuar.
Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve.