Ish-kryeministri Sali Berisha në konferencën e përjavshme me gazetarët ka akuzuar kryebashkiakun e Tiranës, Erion Veliajn se në mbledhjen e sotme të Këshillit Bashkiak do t’i kalojë 600 milionë lekë kompanisë së inceneratorit.
Ai u ka bërë thirrje qytetarëve që të përgatiten për ta kapur p[rej zverku kryebashkiakun dhe ta çojnë vetë para derës së burgut.
“Nxin çdo ditë e më shumë monumenti i turpit i amnistisë së Veliajt. Sot kalon në këshillin bashkiak vendimin për 600 mln lekë të tjera në kompaninë e tij me pronar në letra Zoto dhe Mërtiri. 6 mln euro kalon ky mafioz duke zhvatur qytetarët shqiptarë. Është aktakuzë e rëndë për ‘skapin’ dhe kontrollin nga Rama.
430 mln lekë i ka marrë nga arsimi, 130 mln lekë i ka hequr nga fondi i emergjencës. U bëj thirrje qytetarëve të përgatitemi për ta kapur për zverku dhe ta çojmë tek dera e burgut. Nëse presim për ‘skapin’ u garantoj se ai do bëhet edhe kryeministër në mendjen e tij. Veliaj është mafiozi që vendosi të heqë dorë nga praktika e mëparshme e trajtimit të plehrave veçim seleksionim dhe të kalojë në djegie”, tha Berisha.