Drejtoria Rajonale e Agjencisë Kombëtare të Ushqimit (AKU) Tiranë ka bllokuar ditën e sotme 5 ton djathë Gouda dhe 944 kilogramë fileto pule.
Masa është marrë pasi produktet nuk ishin të pajisura me kundraetiketë në gjuhën shqipe, në kundërshtim me kërkesat ligjore për etiketimin e ushqimeve.
Subjekti tregtar “Tona Alb” shpk është penalizuar edhe me masë administrative gjobë për shkelje të rregullave të etiketimit dhe të gjurmueshmërisë së produkteve ushqimore.