Një aksident i rëndë ka ndodhur pasditen e kësaj të mërkure në Tiranë ku një i ri ka humbur jetën. Makina e cila drejtohej nga Arjon SHahaj është përplasur me një tjetër automjet dhe si pasojë shoferi i njërës prej tyre ka ndërruar jetë.
Policia njofton se i riu Arjon SHahaj ishte student i Akademisë së Sigurisë.
Njoftimi:
Më datë 08.11.2023, në afërsi të liqenit artificial, automjeti me drejtues shtetasin A. Sh. dyshohet se është përplasur me automjetin me drejtues shtetasin Y. R.
Si pasojë e aksidentit, ka humbur jetën në vendngjarje, shtetasi A. Sh. (student në Akademinë e Sigurisë).
Grupi hetimor ndodhet në vendngjarje dhe po punon për sqarimin e rrethanave të aksidentit.