Ambasadori i ri amerikan në Tiranë, Eric Wendt ka zhvilluar sot një takim me kreun e SPAK, Klodian Braho dhe kreun e BKH, Jon Keta.
Ambasada amerikane ka dhëne detaje rreth temave të diskutuara mes tyre.
Wendt bëri me dije se lufta kundër krimit ndërkombëtar, trafiku i narkotikëve dhe migracioni i paligjshëm mbetem prioritetet e presidentit amerikan Donald Trump.
Ky është takimi i parë mes kreut të SPAK dhe ambasadorit të ri, pak javë pasi ky i fundit mori zyrtarisht detyrën.
Postimi i ambasadës:
Lufta kundër krimit transnacional, trafikut të narkotikëve dhe migracionit të paligjshëm është ndër përparësitë kryesore të Presidentit Donald Trump.
Ambasadori Eric Ëendt u takua me drejtuesit e SPAK-ut për të diskutuar rolin vendimtar të institucioneve të pavarura në përballimin e këtyre sfidave dhe se si partneriteti ynë kontribuon për një të ardhme më të sigurt e më të begatë për të dy kombet tona.