Reshjet e dendura të shiut, të rëna gjatë natës në qytetin e Durrësit kanë shkaktuar përmbytje në disa zona të qytetit. Kjo ka krijuar probleme në qarkullimin rrugor dhe infrastrukturë.
Si pasojë e reshjeve, segmentet më të ulëta të qytetit janë përmbytur, ndërsa qarkullimi i automjeteve është bërë i vështirë në disa rrugë kryesore.
Ekipet e emergjencave civile dhe ato të shërbimit zjarrfikës janë angazhuar në terren që në orët e para të mëngjesit, duke punuar për të larguar ujin nga zonat më të prekura.
Ky nuk është rasti i parë kur qyteti bregdetar përmbytet sa herë ka reshje shiu.