Ditën e nesërme në Pallatin e Sportit “Fahrie Hoti” do të nis rinumërimi i votave për 4 qarqe, Tiranë, Durrës, Elbasan dhe Fier. Komisioni Qendror i Zgjedhjeve bën me dije se në total, do të hapen 2.323 qendra votimi, përfshirë edhe 85 kutitë e votimit nga jashtë vendit.
Procesi i rinumërimit, që pritet të zgjas deri në 20 ditë, do të zhvillohet nga 24 grupe numërimi, me 63 punonjës të administratës (48 numërues + 15 zëvendësues).
Rinumërimi do të realizohet në 24 tavolina, ku të pranishëm do të jenë vëzhgues të autorizuar nga 3 subjektet ankimuese: Koalicioni PD-ASHM, PS dhe Partia Mundësia.
KQZ njofton se procesi i rinumërimit do të kushtojë rreth 21 mln lekë të rinj.
Për cilat qarqe zhvillohet rinumërimi?
QARKU TIRANË
Të gjitha kutitë e votimit brenda vendit
18 KZAZ
1.282 qendra votimi
QARKU FIER
Të gjitha kutitë për subjektet dhe kandidatët
9 KZAZ
587 qendra votimi
QARKU DURRËS
Rinumërim i plotë për:
111 QV të KZAZ nr. 21 dhe 22
126 QV të listuara nga PD-ASHM
60 QV të kërkuara nga PLL
Përfshirë edhe 85 kuti nga votimi jashtë vendit
Në total: 360 kuti për rinumërim (275 brenda vendit + 85 jashtë)
QARKU ELBASAN
94 QV të KZAZ nr. 45 dhe 52 (fletë votimi dhe materiale zgjedhore)
Buxheti
7.858.600 lekë për sistemin e regjistrimit dhe transmetimit online të rezultateve
8.480.000 lekë për infrastrukturën logjistike
4.775.450 lekë për zarfe dhe materiale ndihmëse
Totali: Rreth 21 mln lekë të rinj