Një biznes në Lushnjë ka rënë pre e grabitjes gjatë natës. Persona të paidentifikuar kanë hyrë në ambientet e një thertoreje në Njësinë Administrative të Golemit dhe kanë marrë kasafortën dhe një furgon të kompanisë për të transportuar sendet e vjedhura.
Por plani i tyre ka dështuar me sukses. Gjatë largimit, autorët kanë humbur kontrollin e mjetit duke përfunduar në një kanal kullues. Pas incidentit, ata kanë braktisur automjetin dhe janë larguar me një tjetër mjet në drejtim të autostradës Lushnje-Rrogozhinë.
Policia ka mbërritur në vendngjarje dhe ka kryer veprimet hetimore, duke dokumentuar provat e mundshme që mund të ndihmojnë në identifikimin dhe kapjen e autorëve.
Autoritetet kanë marrë pamjet e kamerave të sigurisë dhe po punojnë për identifikimin e personave të përfshirë. Deri tani janë shoqëruar dy persona.
Njoftimi i policisë:
Gjatë orëve të para të mëngjesit, në fshatin Golem, Lushnjë, persona të paidentifikuar, në subjektin tregtar (thertore) në pronësi të shtetasit A. K., kanë vjedhur automjetin tip fugon dhe kasafortën.
Gjatë largimit nga vendi i ngjarjes, për t’iu shmangur Policisë, autorët janë larguar në një rrugë dytësore dhe si pasojë, në fshatin Golem automjeti ka dalë nga rruga dhe u gjet nga shërbimet e Policisë.
Gjatë kqyrjes së automjetit, është gjetur edhe kasaforta e vjedhur nga autorët, e pa hapur.
Policia ka shoqëruar 2 shtetas, ndërkohë që grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorëve.