Një tërmet i fuqishëm me magnitudë 7.7 ka goditur Mianmarin qendror, sipas Shërbimit Gjeologjik të SHBA-së. Epiqendra ishte 16 km (10 milje) në veri-perëndim të qytetit të Sagaing, në një thellësi prej 10 km, thotë USGS. Lëkundjet e forta u ndjenë qindra milje larg në Tajlandë dhe Kinën jugperëndimore.
Agjencia e lajmeve AFP raportoi nga kryeqyteti i Mianmar, ku rrugët u çanë nga forca e lëkundjeve dhe copa tavanesh ranë nga ndërtesat.
Një urë e madhe në Mianmar u shemb gjatë tërmetit. Policia njoftoi se një rrokaqiell 30-katësh në ndërtim e sipër në Bangkok u shemb, duke bllokuar të paktën 43 punëtorë.
Kryeministrja tajlandeze Paetongtarn Shinawatra anulloi një vizitë zyrtare menjëherë pas kësaj situate emergjente.
Tërmetet janë relativisht më të zakonshme në Mianmar, krahasuar me Tajlandën.
Ndërmjet viteve 1930 dhe 1956, aty ndodhën gjashtë tërmete të forta me magnitudë 7,0 ballë pranë Gajës Sagaing, që kalon nëpër qendër të vendit, raporton agjencia e lajmeve AFP, duke cituar USGS.
Tajlanda nuk është një zonë tërmetesh dhe pothuajse të gjithë tërmetet që ndihen atje, të cilët janë të rrallë, janë në Mianmarin fqinj.
Duke qenë se ndërtesat në Bangkok nuk janë projektuar për tërmete të fuqishme, dëmet strukturore mund të jenë të konsiderueshme.