Seanca në GJKKO ndaj Metës dhe Kryemadhit është shoqëruar me debate dhe përplasje të ashpra.
Ish presidenti Ilir Meta ka sulmuar prokurorët, sidomos Altin Dumani, duke e kërcënuar atë hapur.
Ai i është drejtuar me fjalët “Dum duman, qen. Këtu ta kam, mbaje mend se çfarë kam për të të punuar etj”, ndërsa Dumani ka qëndruar i qetë teksa lexoheshin akuzat.
E pyetur për këtë përplasje jashtë gjykatës, Kryemadhi tha se përgjigjja e Metës ndaj prokurorëve ishte thjesht një përkedhelje për ta.
“Meta sikur i përkëdheli ata, jo sikur i kërcënoi. Unë nuk jam besimplotë në SPAK, as te drejtësia e Vlahutin. A e dini kush i ka trajnuar BKH. Burri i Vlahutin, e ka fituar projektin për të trajnuar anëtarët e BKH. FolloW the Money”, tha Monika.
Jashtë seancës Kryemadhi e irrituar akuzoi prokurorët e SPAK se po përdoren nga Edi Rama.
“Ku kanë bythë me fol ata! Iliri i përkëdheli” tha ajo.
Seanca u shty për në 13:30 pasi avokatët kërkuan kohë të njihen me dosjen dhe Kryemadhi u shpreh e pakënaqur që u lanë më pak se 3 orë.