Ish-Presidenti i Republikës së Kosovës, Behgjet Pacolli, ka reaguar pas vrasjes së Liridona Murselit dhe arrestimit të ish-këshilltarit të tij, Naim Murseli.
Pacolli shprehet i tmerruar dhe i tronditur nga vrasja e Liridonës, të cilën e pati njohur personalisht.
“Kushdo qoftë mbrapa këtij akti të tmerrshëm dhe makabër (akt i pa parë në traditën tonë), duhet të dalë para drejtësisë dhe të marr dënimin maksimal për këtë.” – shkruan ish-Presidenti në një postim në rrjetet sociale.
Postimi i plotë:
Sot, fëmijët dhe familja kanë varrosur Liridonën, një vajzë dhe nënë të re e cila u vra mizorisht. Jam ende i tmerruar dhe i tronditur nga vrasja e Liridonës, të cilën e kam njohur personalisht. Sot dhe çdo ditë, lutjet dhe mendimet e mia janë me fëmijët dhe familjen e Liridonës.
I përgëzoj policinë e Kosovës për punën e madhe dhe profesionale që po bëjnë për zbulimin e rastit. Kushdo qoftë mbrapa këtij akti të tmerrshëm dhe makabër ( akt i pa parë në traditën tonë), duhet të dalë para drejtësisë dhe të merr dënimin maksimal për këtë.
Sot, dy fëmijë janë pa nënën e tyre, të cilës jeta u mor në rininë e saj.
E pabesueshme dhe e trishtueshme.
Jam ende i shokuar!