Detaje të reja janë mësuar në lidhje me vrasjen e 22 vjeçares shqiptare, Ilaria Sula në Romë. Trupi i studentes u gjet në një zonë të pyllëzuar në fund të një shkëmbi pranë Bashkisë së Polit, brenda një valixheje të madhe. I dashuri i saj Mark Samson nga Filipina u arrestua për vrasje dhe fshehje të një kufome.
Mediat në Itali kanë zbardhur dinamikën e ngjarje ku 23-vjeçari e vrau të renë duke e goditur me thikë në një apartament në Romë dhe më pas e hodhi trupin pasi e kishte mbyllur në një valixhe.
Tabulatet e telefonit dhe celularët e vajzës do të kishin inkriminuar edhe të dashurin. Duke i analizuar ato, hetuesit do të kishin identifikuar 23-vjeçarin, i cili gjatë ditëve të zhdukjes së Ilaria Sula do të kishte përdorur telefonin e së resë edhe për të postuar histori në profilin social të saj.
Familharët e saj janë të tronditur nga krimi.
“Nuk mund ta shpjegojmë. Pse e bëri? Nuk e kuptojmë pse e bëri, vetëm ai e di.”, thotë Leon, vëllai i vogël i Ilaria Sulës, i cili ka mbërritur në Romë me disa të afërm. “Kam folur me motrën herën e fundit dy javë më parë, sepse ajo erdhi të na vizitojë në Terni – kujton ai – Ajo ishte e qetë dhe nuk më thoshte për problemet. Pastaj vetëm mesazhe”- u shpreh ai.