Detaje të tjera dalin në dritë nga rrëmbimi dhe vrasja e të riut Renis Dobra në Shkopet.
Mediat raportojnë se disa persona i kanë zënë pritë me armë makinës, e cila drejtohej nga 23-vjeçari.
Dyshohet se kanë qenë të armatosur dhe fillimisht janë prezantuar si efektivë policie.
Në atë moment është afruar një mjet, i cili po kalonte rastësisht dhe ka pyetur nëse ka ndonjë problem, por personat e armatosur i kanë kërkuar të vazhdojë rrugën.
Në këtë moment disa nga personat janë futur në mjetin e 23 vjeçarit për ta “shoqëruar” në komisariat, por ata kanë vazhduar rrugën për Shkopet ku dhe u gjet mëngjesin e sotëm i pajetë në breg të liqenit.