Vetëm tetë të burgosur shqiptarë janë dërguar në atdhe për të vuajtur dënimin e tyre në një skemë 8 milionë paund që synon të kthejë 200 vrasës, përdhunues dhe baronë të drogës.
Kështu e nis shkrimin e saj, The Sun teksa shton se skema dyvjeçare, e nisur në vitin 2023, ishte caktuar të dyfishonte numrin e shkelësve të huaj të dëbuar në 200.
Megjithatë, burimet thanë se vetëm tetë nga 67 të listuar janë kthyer me avion në Tiranë.
Thuhet se pengesat shkaktohen nga vonesat e gjata administrative, të cilat po pengojnë zyrtarët e Whitehall.
Plani i riatdhesimit parashikon që Britania e Madhe t’i paguajë Shqipërisë 4 milionë funte në vit për të rikthyer të burgosurit e saj më të dhunshëm.
Më tej The Sun shkruan se marrëveshja përfshinte 12 vrasës, tetë përdhunues dhe më shumë se 100 fajtorë për vepra droge dhe armë zjarri.
Mbreti i drogës Klodjan Copja, i cili u kthye me avion marsin e kaluar për të vuajtur dënimin e tij 17-vjeçar në një burg shqiptar.
Dhe mund të zbulojmë gjithashtu se Erald Mema, i cili u dënua me 25 vjet në 2018 për rolin e tij kryesor në një operacion “të madh” të kontrabandës së kokainës, është rikthyer gjithashtu në Shqipëri.
Ai besohet se ka zgjedhur të kthehet për shkak se bordi shqiptar i lirimit me kusht mund t’i japë atij një lirim më të hershëm sesa do t’i takonte në Britani.
Të dy thuhet se mbahen në Burgun e Drenovës, burgu më i sigurt i Shqipërisë, ku do të qëndrojnë derisa të kryejnë gjysmën e dënimit në paraburgim, siç do të kishin bërë në MB.
Marrëveshja kursen rreth dy të tretat e kostos ditore prej 109 £ për t’i mbajtur të mbyllur këtu, ndërsa një qeli kushton vetëm 32 £ në ditë në Shqipëri.
Por shumë të burgosur të tjerë nuk janë dërguar në atdhe pavarësisht se janë identifikuar për largim.
Ata përfshijnë Ibrahim Bezatin, 38 vjeç, i cili akuzohe për përdhunimin e një gruaje në 2021-in.
“Grabitqari i rrezikshëm seksual” u burgos për 17 vjet dhe ende do të shërbejë pjesën më të madhe të tij në Shqipëri si pjesë e marrëveshjes së shkëmbimit.
Një tjetër i burgosur që pret të deportohet është vrasësi i dënuar Dorian Pirija, 36 vjeç, i cili u burgos për 19 vjet në 2021 pasi komplotoi për të vrarë një tregtar rival droge në Hartlepool.
Përdhunuesi Klodjan Samurri, 31 vjeç, gjithashtu pritet të kthehet me avion pasi sulmoi një grua që flinte në gjendje të dehur.
Duke e dënuar atë me shtatë vjet burg, gjykatësi i Old Bailey, Bernard Richmond i tha: “Ti shënjestrove një grua të pambrojtur në shtratin e saj.
Shumica e pengesave të transferimeve thuhet se janë për shkak të ngarkesave të prapambetura në sistemin gjyqësor shqiptar, i cili duhet të njohë një dënim britanik përpara se të përfundojë një transferim.
Një burim tha: “Procesi i njohjes së vendimeve të Mbretërisë së Bashkuar në gjykatat në Shqipëri po merr kohë për shkak të një numri të madh të prapambetur në gjykatat në të gjithë vendin”.
Shifrat tregojnë se janë 1273 shqiptarë të mbyllur në burgjet britanike, më shumë se çdo shtetësi tjetër e huaj.
Në fillim të këtij muaji, ne zbuluam se si vrasësi i policit mafioz shqiptar Maksim Cela, 59 vjeç, ishte liruar me kusht, ndërsa ai luftonte deportimin.
Burime qeveritare theksuan se Britania e Madhe i paguante Shqipërisë vetëm një pjesë të 8 milionë funteve sa herë që një kriminel kthehej.
Paratë do të përdoren për të paguar për rinovimin e burgjeve shqiptare, sigurinë shtesë, punëtoritë, pajisjet rehabilituese dhe trajnimin e rojeve.
Më shumë se 1000 shqiptarë, përfshirë emigrantë me varka të vogla, janë kthyer në shtetin e tyre sipas marrëveshjeve të tjera të përbashkëta që nga viti 2022.
Disa kanë pranuar gjithashtu pagesa të largimit prej 1500 £ për të shkuar në shtëpi herët nëse premtojnë se nuk do të kthehen.
Një zëdhënëse e Ministrisë së Drejtësisë tha: “Marrëveshjet për transferimin e të burgosurve janë vetëm një mënyrë në të cilën ne nxjerrim kriminelët e huaj nga burgjet tona.