Dod Gjoka, i cili u mor peng këtë të enjte nga tre persona në autostradën Tiranë-Lezhë nuk është emër i panjohur për Policinë e Shtetit.
Ai rezulton person me precedent të rëndë penal.
Tetë vjet më parë, përkatësisht në vitin 2017, Dod Gjoka është arrestruar për vendosjen e një gjobe me vlerë 25 mijë euro ndaj një biznesmeni lokal, duke e kërcënuar në bashkëpunim se “do i vriste djalin”.
Biznesmeni bashkëpunoi atë kohë me Policinë pas denoncimit, në një operacion me dorëzim të kontrolluar.
Pasi biznesmeni dorëzoi shumën prej 25 mijë eurove, policia ndoqi dy autorët dhe i arrestoi në një operacion të befasishëm.
Dod Gjoka, nga Mirdita, u prangos së bashku me Lek Çuku nga Shkodra. Përveç shumës së kërkuar, gjobëvënësit e këshillonin atë që të mos njoftonte policinë, pasi do të kishte pasoja të rënda për të.
Biznesmeni rrëfeu para policisë mesazhin e autorëve: “Nëse nuk na jep paratë, do të të vrasim djalin”,
Dorëzimi i kontrolluar u bë në fshatin Malecaj të Lezhës.