Edlira Çepani, bashkëshortja e ish-deputetit Gerti Bogdani, i cili u nda nga jeta papritur ditën e sotme pas një ataku kardiak, i ka kushtuar disa fjalë të ndjera atij që ajo e quan gjysma e saj më e mirë.
Në postimin e saj, Edlira thotë se nuk mund të jetojë dot pa Gertin, i cili për të ishte shoku, dashuria, familja dhe skuadra e saj.
“Do të të dua çdo ditë derisa të takohemi prapë”, shkruan ndër të tjera ajo, teksa njofton se homazhet dhe ceremonia e lamtumirës do të bëhen nesër.
Homazhet do të zhvillohen në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës.
Postimi i plotë:
Ti e dije qe jeta ime s’ka kuptim pa ty! Ti e dije qe nuk ishe thjesht gjysma ime me e mire, ishe jeta ime!! Ti ishe shoku im, dashuria ime, familja ime, skuadra ime! Ti e di qe une nuk jetoj dot pa ty! S’di a ta thashe ndonjehere mjaftueshem sa te adhuroj!!! Zoti merr prane vetes me te miret, por ty s’duhet te te kishte marre, se une, Ajra dhe Reinarti kemi nevoje per ty, per dashurine tende per jeten, per keshillen e drejte qe jep gjithmone, per modelin e duhur qe je gjithmone! Bota eshte nje vend i pavlere pa ty! Do te te duam perjete, bashkeshorti, babai, shoku dhe njeriu me i mire qe do jetoje ndonjehere ne kete bote! Do te te dua çdo dite te jetes derisa te takohemi serish, drita e çdo rrugetimi tim!
Homazhet dhe ceremonia e lamtumirës, do bëhen ditën e nesërme dt. 19 Shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës.