Të nxitur nga rritja e çmimit të grurit në tregjet e huaja nga subvencionet direkte, fermerët shtuan sipërfaqet e mbjella me grurë deri në 40%, këtë vit.
Por nga rënia e lartë e çmimit të shitjes, humbjet për fermerët shqiptarë janë të papërballueshme. Deputeti i PD Lefter Gështenja ka treguar rastin e një fermeri në Librazhd, i cili ka humbur mbi 1 million e 600 mijë lekë të vjetra. Sipas deputetit fermerët po përfundojnë duke shitur bagëtinë ose marrin hua sepse nuk ia dalin dot.
Postimi i plotë:
Ky është skandal i vërtetë!
Fermerët janë në borxhe, nuk po mbyllin dot vitin.
Rasti në fjalë është në Fushë Studen të Librazhdit ku më treguan sot llogaritë. Pas këshillimeve të qeverisë, mbolli tokën, 2.4 hektarë grurë. Qeveria i dha edhe 72 mijë lekë të reja subvencion.
E gjitha puna e një viti i kushtoi 389 200 lekë të reja, por nga shitja e grurit mori vetëm 150 mijë lekë të reja. Në total, humbi 167 200 lekë të reja. Çdo gjë me faturë që i siguroi ndihmën prej 72 mijë lekësh të reja.
A ka skandal më të madh se ky?! Të punosh 1 vit të tërë, e në fund të përfundosh duke shitur bagëtinë ose të marrësh hua të shlyesh traktorin, autokombajnën apo farmacinë bujqësore.
Kjo është Shqipëria reale. Shqiptarët nuk po ia dalin dot, ndërsa qeveritarët ndërtojnë kulla e mbjellin drogë në baza ushtarake.