SKANDALI/ 6 subjekte në Vlorë tregtonin mish pule me salmonelë

Qytetarët shqiptarë po vazhdojnë të konsumojnë mish pule me salmonelë. Në qytetin e Vlorës në 6 subjekte janë gjetur mish pule me salmonelë pas kontrolleve të AKU-së.

Të evidentuara si subjekte që kanë patur sasi të konsiderueshme të pulave me salmonelë kanë qenë edhe disa markete, por nuk kanë munguar as restorante të cilat për klientët janë hallka e fundit e konsumit të produkteve. Këto subjekte janë gjobitur nga ana e Autoritetit Kombëtar të Ushqimit.

Kujtojmë se këto kontrolle erdhën pas skandalit që u publikua pak ditë më parë ku një sasi e madhe me mish pule me salmonelë ishte kapur një Portin e Durrësit, ndërsa një pjesë ishte hedhur në treg per konsumim.

Nuk dihet saktëisht sasia që është hedhur në treg, por skandali i fundit ka ngritur alarmin për sigurinë ushqimore në vend.

27 ton mish pule me salmonelë u importuan në fillim të muajit mars nga Brazili në vendin tonë. Kompania që e importoi dhe e futi në tregun shqiptarë është “diMal”.

Në lidhje me rastin në kërkim është shpallur Arben Goxha, administratori i kompanisë, ndërsa në hetim është i vëllai, Mond Goxha, pronar i ‘diMal’ dhe 3 inspektorët e AKU-së, Gezim Hushi, Sada Lufta, Aldo Sinjari.