Shqipëria dhe Maqedonia e Veriut do të përfitojnë parafinancim në kuadër të Planit të Rritjes së BE-së për të vijuar rrugën drejt integrimit në Bashkimin Evropian.
Lajmin e bën të ditur, Komisionerja për Zgjerimin në Bashkimin Europian, Marta Kos përmes një postimi në rrjetin social “X”. Teksa përgëzon Shqipërinë dhe Maqedoninë e Veriut, Kos se kjo duhet të nxisë zbatimin e reformave kyçe për të nxitur rritjen, përmirësimin e jetës së qytetarëve dhe afrimin e vendeve me BE-në.
“Urime për Maqedoninë e Veriut dhe Shqipërinë për vendosjen e ritmit në Ballkanin Perëndimor për të marrë parafinancim në kuadër të Planit të Rritjes së BE-së! Kjo duhet të nxisë zbatimin e reformave kyçe për të nxitur rritjen, përmirësuar jetën e qytetarëve dhe afruar vendet më shumë me BE-në”, ka shkruar Kos.
Congratulations to North Macedonia and Albania for setting the pace in the Western Balkans to receive pre-financing under the 🇪🇺 Growth Plan!
— Marta Kos (@MartaKosEU) March 24, 2025
This should fuel their implementation of key reforms to drive growth, improve citizens’ lives & bring the countries closer to the EU.