Prokuroria e Posaçme kundër Korrupsionit dhe Krimit të Organizuar publikoi më 9 mars Raportin Vjetor të Veprimtarisë për vitin 2025, ku evidentohen puna e bërë në vitin që lamë pas, por edhe sfidat dhe problemet, me të cilat përballet SPAK.
Ndërkohë kreu i SPAK, Klodian Braho është shprehur se “Një rol kryesor në arritjet e SPAK ka luajtur edhe forcimi i bashkëpunimit me partnerët ndërkombëtarë për hetimin e çdo personi që ka kryer vepër penale, duke treguar se askush nuk është mbi ligjin dhe se të gjithë janë të barabartë para tij”.
Kreu i SPAK thotë se po punojnë intensivisht dhe do të ndiqen penalisht të gjithë zyrtarët që kanë abuzuar me detyrën e tyre.
“Të dhënat e Raportit të Vitit 2025 tregojnë se SPAK ka shënuar progres në luftën kundër krimit të organizuar dhe korrupsionit dhe për këtë vlerësoj punën e prokurorëve të Prokurorisë së Posaçme dhe hetuesve të Byrosë Kombëtare të Hetimit. Megjithatë, këto janë sfida që kërkojnë përpjekje të vazhdueshme. Ne po punojmë intensivisht për hetimin dhe ndjekjen penale të të gjithë atyre zyrtarëve që kanë abuzuar me detyrën. Një rol kryesor në arritjet e SPAK ka luajtur edhe forcimi i bashkëpunimit me partnerët ndërkombëtarë për hetimin e çdo personi që ka kryer vepër penale, duke treguar se askush nuk është mbi ligjin dhe se të gjithë janë të barabartë para tij”, shtoi Braho.