Një pallat është përfshirë nga flakët këtë të martë në Tiranë, përballë spitalit “Nënë Tereza”.
Flakët u përhapën me shpejtësi duke përfshirë të gjithë fasadën duke rrezikuar të gjithë kompleksin e banimit.
Në pamjet e bëra publike, shihen nëna me foshnjen duke dalë nga pallati, si dhe po ashtu një e moshuar.
Po ashtu një grua, e cila ndodhej në banesë në momenti kur ra zjarri, është asfiksuar. Forcat zjarrfikëse me anë të shkallëve të tyre kanë mundur të nxjerrin atë prej godinës dhe më pas u transportua me urgjencë në spital.
Deri tani nuk dihet ende shkaku i rënies së zjarrit që përfshiu pallatin.
Situata është mjaft dramatike, teksa dyshohet paraprakisht që zjarri të jetë shkaktuar nga një shkëndijë, por kjo nuk është e konfirmuar.