Një 26-vjeçar ka rënë në prangat e policisë pasi lëvizte me një armë zjarri, të cilën kishte qëllim ta shiste në Tiranë.
I riu N.D, u ndalua nga blutë në vendin e quajtur “Kthesa e Kazmës” ndërsa gjatë kontrollit në mjetin e tij u gjet një pistoletë, që 29-vjeçari do e shiste.
Arma, së bashku me makinën dhe celularin e të riut janë sekuestruar nga policia.
Njoftimi:
Lëvizte nga Kruja në Tiranë, për të shitur një pistoletë, arrestohet 26-vjeçari.
Sekuestrohet arma, automjeti me të cilin lëvizte i arrestuari dhe celulari i tij.
Shërbimet e Forcës së Posaçme Operacionale, në bashkëpunim me specialistët e Seksionit për Hetimin e Trafiqeve, si rezultat i administrimit të menjëhershëm të informacionit të siguruar në rrugë operative, për një shtetas që po levizte drejt Tiranës, me armë zjarri, në automjet, finalizuan operacionin e koduar “Price”, gjatë të cilit u arrestua te vendi i quajtur “Kthesa e Kamzës”, shtetasi N. D., 26 vjeç, banues në Krujë.
Nga kontrolli në automjetin që drejtonte 26-vjeçari u gjet 1 armë zjarri (pistoletë) që dyshohet se ishte siguruar dhe po transportohej me qëllim shitjen në Tiranë.
Vijon hetimi për identifikimin dhe ndalimin e shtetasve të tjerë që mund të jenë përfshirë në këtë rast kriminal, si dhe për dokumentimin ligjor të të gjitha rrethanave të tij.
Materialet procedurale iu referuan Prokurorisë, për veprime të mëtejshme.