Një letër që mbante një zarf me tre plumba ka mbërritur në adresën e Ministrit të Brendshëm serb, Ivica Daçiç.
Lajmi u konfirmua nga Ministria e Punëve të Brendshme serbe. Sipas njoftimit, zarfi është vërejtur të enjten “gjatë procesit të rregullt të ndarjes së postës”.
“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e Ministrisë së Brendshme serbe.
Autoritetet shtuan se u përcaktua që paketa ishte dërguar me postë më 26 gusht 2025, në një degë të Postës së Serbisë në Pozharevac, dhe se policia e ka identifikuar dhe lokalizuar dërguesin.
Për rastin ka reaguar edhe Presidenti serb Aleksandër Vuçiç, i cili tha sot se Daçiç e informoi se kishte marrë një pako që mbante tre plumba.
Rasti është në hetim, ndërsa nuk janë dhënë ende detaje të tjera mbi të dyshuarin.