Gjykata e Posaçme ka dënuar me 10 vite burg ish-ministrin e Mjedisit Lefter Koka për aferën e inceneratorit të Fierit.
Ai do të përfitojë nga gjykimi i shkurtuar, ndaj me gjykim të shkurtuar do të vuajë 6 vite e 8 muaj burg, ndërkohë që GJKKO ka vendosur edhe bllokimin e kantinës së verës, ndërsa ka hequr sekuestrot nga pasuritë e tjera.
Koka është shprehur se nuk ka asnjë lidhje me këtë aferë, pasi pagesat dhe ndërtimi i inceneratorit kanë filluar pasi ai ishte larguar si ministër. Gjithashtu ish-ministri thotë se nuk i është gjetur asnjë pasuri e pajustifikuar, teksa shtoi se do të kërkojë të drejtën e tij deri në fund.
Me 4 vite burg është dënuar ish-deputeti socialist Alqi Bllako, që i konvertohen në 2.8 vite për shkak të gjykimit të shkurtuar. Pafajësinë e kanë fituar Arben Dervishi, Arjola Kodra dhe Juri Imeraj.
Dënimet e tjera:
Klodian Zoto – 8 vite burg
Erjon Murataj – 2 vite
Ndërkohë, do të lirohen nga qelia por do të jenë në shërbim prove: Arjola Kodra, Florjan Muçaj, Azem Shateri dhe Sabina Cenomeri, Gentian Zifla, Regan Merdani
