Një 38 vjeçar është arrestuar në Lushnjë me dyshimin se po blinte vota në këmbim të lekëve. Policia njofton se i arrestuari është Marin Leka, i cili i ka marrë një shtetasi, kartën e identitetit, si dhe i ka premtuar dhënien e një shume parash, me qëllim blerjen e votës në favor të një subjekti politik.
Lidhur me rastin, materiale procedurale i kaluan SPAK-ut, e cila këto zgjidhje ka ngritur Task-Forcën për hetimin e krimeve zgjedhore.
Njoftimi i policisë:
Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin M. L., 38 vjeç, banues në Lushnjë, për veprat penale “Korrupsioni aktiv në zgjedhje” dhe “Marrja dhe përdorimi i paligjshëm i dokumentit të identifikimit”.
Nga hetimet e kryera në bashkëpunim me Prokurorinë e Fierit, dyshohet se shtetasi M. L. i ka marrë një shtetasi, kartën e identitetit, si dhe i ka premtuar dhënien e një shume parash, dyshohet me qëllim blerjen e votës në favor të një subjekti politik, pjesëmarrës në zgjedhjet parlamentare të datës 11.05.2025.
Materialet procedurale i kaluan Prokurorisë kundër Korrupsionit dhe Krimit të Organizuar, për veprime të mëtejshme.