Një ngjarje e rëndë ka ndodhur në Bilisht ku një 66 vjeçare i ka dhënë fund jetës së saj. Viktima, e identifikuar si Teuta Kaso, është e ëma e Rigels Kasos, 42 vjeçarit, i cili një vit më parë u dhunua nga një person dhe më pas humbi jetën në spitalin e Traumës.
66-vjeçarja Teuta Kaso, sipas të dhënave të policisë, është gjetur e pajetë në banesën e saj në qytetin e Bilishtit ndërsa dyshohet të jetë vetëhelmuar.
Kujtojmë se Rigels Kaso u dhunua nga 34 vjeçari Bajram Gjeleshi për shkak të një vajze. Viktima komunikonte në Instagram me bashkëjetuesen e 34-vjeçarit, Bajram Gjeleshi.
Ky i fundit ka zbuluar mesazhet dhe ka shkuar vetë në vendtakimin që 42-vjeçari kishte lënë me bashkëjetuesen e tij dhe është konfliktuar me të duke e dhunuar rëndë.