Një krim i rëndë tronditi italinë këtë javë. Një 22-vjeçare shqiptare, studente në “La Sapienza”, u vra me thikë nga i dashuri i saj filipinas. Pasi kreu krimit makabër, i dashuri e futi trupin e saj në një valixhe dhe e hodhi në një zonë pyjore në Poli, jashtë Romës.
Disa orë pas gjetjes së trupit të pajetë ka dalë edhe përgjigjja e autopsisë.
Mediat italiane shkruajnë se gjatë debatit që Ilaria pati me të dashurin e saj, Mark Antony Samson, ky i fundit mori thikën dhe e ka goditur tre herë 22-vjeçaren, e cila humbi jetën si pasojë të hemorragjisë.
Pasi kreu krimin, ai e mbajti trupin e studentes shqiptare në apartamentin e tij për 20 orë, gjë që ka shtuar dyshimet dhe te prindërit e filipinasit nëse kanë qenë bashkëpunëtorë në krim.
Ai dërgonte mesazhe nga telefoni i saj dhe bënte postime në rrjetet e saj sociale për të fshirë gjurmët. Autoritetet italiane e vunë menjëherë në pranga dhe autori pranoi krimin.
Hetuesit dyshojnë se në këtë krim makabër të kenë rol edhe prindërit e djalit nga Filipinet. Konkretisht ata dyshohet ta kenë asistuar djalin e tyre për fshehjen e trupit të studentes shqiptare.
Kjo ngjarje shkaktoi dhimbje dhe lot tek shqiotarët, ndërsa stundetët e La Sapienzës kryen homazhe dhe kërkuan drejtësia për vrasjen e 22-vjeçares, shoqes së tyre.