Tre raportime për ngacmime seksuale ndaj vajzave të mitura janë bërë që prej ditës së djeshme.
Fillimisht ishte një 59 vjeçar në Maliq i identifikuar si Anesti Sala që u arrestua pas denoncimit të një adoleshenteje. Vajza 13 vjeçare ka deklaruar se prej kohësh personi në fjalë e ndiqte dhe i thoshte fjalë të pista, derisa ajo ka treguar në shtëpi se ç’po ndodhte.
Gjithashtu në Përmet, një shofer i linjës së transportit të nxënësve ra në prangat e policisë me akuzën se ka ngacmuar seksualisht një 14 vjeçare.
Nxënësja Klarita C. 14 vjeçare nga fshati Katundisht është ankuar tek mësuesja e saj në shkollën 9- vjeçare “Kamber Bënja” në Këlcyrë, se shoferi i furgonit që transporton nxënësit nga fshati Katundisht Nikolin J. 36 vjeç e ngacmomte përmes formave të ndryshme 14-vjeçaren madje dhe fizikisht. Kjo situatë ka qënë e përsitshme aq sa dje minorenia u ankua tek mësuesja kujdestare pasi kjo e fundit e pa duke qarë. Menjëherë minorenia është çuar në Policinë e Përmetit ku ka dhënë dëshmi nën prezencën e psikologut.
Rasti i tretë është regjistruar në Shkodër ku një 58-vjeçar është vënë nën hetim nga Policia e Shkodrës pasi dyshohet se ka ngacmuar seksualisht një vajzë 9-vjeçare. 58-vjeçari i identifikuar me inicialet F.B. është denoncuar nga babai 41-vjeçar i të miturës. Në padinë e bërë, babai i vajzës është shprehur se 58-vjeçari e ka ngacmuar minorenen në rrugë.