Deputeti i Partisë Demokratike, Oerd Bylykbashi, është paraqitur ditën e sotme në Prokurorinë e Posaçme.
Kjo është hera e dytë që deputeti shkon në ambientet e kësaj Prokurorie, ndërsa mësohet se u paraqit në SPAK në cilësinë e kallëzuesit të PD-së në lidhje me aferën e Eco Park. Në një deklaratë për mediat, ai tha se kallëzimi për këtë çështje është bërë nga një grup deputetësh demokratë që në mars të vitit 2024, ndërsa hetimet janë drejt fundit.
“Është një kallëzim që është bërë në mars 2024 dhe që është bashkuar me një procedim që ka nisur më herët nga SPAK. Isha thirrur në cilësinë e personit që ka dijeni mbi faktet. Unë jam një nga kallëzuesit është një grup deputetësh i PD. Për këtë çështje isha sot.
Duke filluar nga kryeministri Rama kallëzimi është publik, ne kemi bërë konferencë. Është një çështje që kemi denoncuar në atë kohë, është aferë e pastër korruptive. Është kontraktuar për 19 mln euro që më pas një kompani e lidhur me atë të inceneratorëve e ka bërë për 6.5 mln euro. Pra janë vjedhur 12,5 mln euro të shqiptarëve. Mbi bazën e ati kallëzimi dhe sot isha në këtë cilësi”.