Detaje të reja janë zbardhur në lidhje me aksidentin ku disa çiklistë mbetën të plagosur në aksin Kuç-Qeparo.
Mësohet se dy prej tyre ndodhen në gjendje kritike për jetën dhe do të transportohen me helikopter drejt Tiranës për mjekim të specializuar.
Sipas informacioneve, çiklistët humbën kontrollin mbi drejtimin e biçikletave dhe për pasojë dolën nga rruga, gjatë itinerarit të garës të etapës së katërt të Turit të 81-të Çiklistik të Shqipërisë.
“Rreth orës 14:40, në aksin rrugor Kuç-Qeparo, gjatë itinerarit të garës të etapës së katërt të Turit të 81-të Çiklistik të Shqipërisë, 3 prej çiklistëve dyshohen se kanë humbur kontrollin mbi drejtimin e biçikletave dhe si pasojë kanë dalë nga rruga. Të tre çiklistët janë transportuar në spital për ndihmë mjekësore.
Grupi hetimor po punon për zbardhjen e plotë të rrethanave të aksidentit”- njoftoi më herët policia në lidhje me ngjarjen.