Ministria e Brendshme dhe Policia kanë njoftuar se janë shtyrë datat e aplikimeve për t’u pranuar në Akademinë e Sigurisë.
Data e fundit e aplikimeve do të jetë 31.10.2023 dhe arsyeja e shtyrjes është për t’u ofruar më shumë kohë dhe mundësi aplikantëve të interesuar, të cilët kanë qenë të shumtë.
Kjo mundësi vlen për të gjithë shtetasit që kanë përfunduar ciklin e dytë të studimeve të arsimit të lartë, në shkencat juridike, ekonomike, kompjuterike ose elektronike, të cilët dëshirojnë të bëhen pjesë e Policisë së Shtetit.
Njoftimi:
Shtyhet deri më datë 31.10.2023, afati i aplikimeve për t’u pranuar në Akademinë e Sigurisë, për shtetasit që kanë përfunduar ciklin e dytë të studimeve të arsimit të lartë, në shkencat juridike, shkencat ekonomike, kompjuterike ose në ato elektronike.
Qëllimi i shtyrjes së afatit të aplikimeve, dhënia e mundësisë më shumë studentëve, që të bëhen pjesë e Policisë së Shtetit, duke qenë së kërkesat e adresuara në Policinë e Shtetit dhe në Ministrinë e Brendshme, kanë qenë të shumta.
Gjithashtu, ju informojmë se aplikimet e kryera deri tani, janë të vlefshme.
Për më shumë informacione mbi procedurën dhe mbi kriteret që duhet të plotësohen, të interesuarit duhet të paraqiten në drejtorinë vendore të Policisë, ku kanë vendbanimin.
Ministria e Brendshme dhe Policia e Shtetit, me qëllim afrimin e kapaciteteve profesionale për strukturat e hetimit, të Policisë Kriminale, të parandalimit të pastrimit të parave dhe të krimit kibernetik, ftojnë dhe nxitin të gjithë studentët që kanë kryer ciklin e studimeve dhe që përmbushin kriteret, të marrin pjesë në garën për t’u bërë pjesë e Policisë së Shtetit.