Vëzhgues i OSBE-ODIHR në zgjedhjet parlamentare të 11 Majit, Michael Gahler, ka deklaruar se Shqipëria nuk do të futet në BE kështu siç është sot. Gjatë prezantimit të raportit në lidhje me zgjedhjet e 11 Majit, Gahler u bëri thirrje të gjithë aktorëve përkatës t’i marrin rekomandimet seriozisht.
“Rekomandimet dhe këto që do të vijnë nga Parlamenti Europian unë absolutisht që do sugjeroja që aktorët e interesuar këtu, por do të doja të kisha konsensus të gjerë të partive politike, për përmirësimin e procesit zgjedhor.
Kjo është një nga aspektet qe çon drejt BE. Çështja të tjera që përmendët që kanë të bëjnë me korrupsionin, të tjera gjëra që shkojnë përtej zgjedhjeve sigurisht që do të adresohen të jeni të sigurt. Ky vend nuk do të futet në BE kështu siç është sot, ama ka shumë gjëra që mund të përmirësohen dhe zgjedhjet janë të rëndësishme. Unë rekomandoj me forcë të gjithë aktorëve përkatës t’i marrin rekomandimet seriozisht”, tha ai pas prezantimit të raportit ku u evidentuan disa probleme.
Mes tyre përdorimi i administratës nga ana e Partisë Socialiste, apo mungesa e transparencës sa i takon financimit të partive politike.