Një aksident i rëndë ka ndodhur mëngjesin e sotëm në aksin Lezhë-Manati, ku dy automjete janë përplasur me njëra-tjetrën. Si pasojë e përplasjes raportohet se kanë mbetur të plagosur 5 persona.
Njëri prej tyre ka marrë fraktura të shumta dhe është transportuar me urgjencë drejt Spitalit të Traumës në Tiranë për ndihmë të specializuar mjekësore.
Policia ka mbërritur në vendin e ngjarjes dhe po punon për zbardhjen e rrethanave të këtij aksidenti.
“Rreth orës 10:15, në rrugën e fshatit Manati, janë përplasur automjetet me drejtues shtetasit A. K., 60 vjeç, dhe K. Gj., rreth 25 vjeç.
Si pasojë janë dëmtuar 2 drejtuesit e automjeteve dhe 3 pasagjerët në automjetin që drejtonte shtetasi K. Gj., të cilët janë dërguar në spital, në gjendje jashtë rrezikut për jetën”, njoftoi policia.