Raportuesja për Kosovën në Parlamentin Evropian, Viola von Cramon, ka reaguar pas vendimit të qeverisë së Kosovës dhe Serbisë që t’i largojnë letrat ngjitëse në targat e veturave.
Ajo shkruan se heqja e etiketavenga automjetet me targa të Serbisë dhe njohja e targave RKS nga Serbia, është një hap përpara realitetit ku Serbia e njeh de facto Kosovën.
‘’Nuk ka më ngjitëse në targa kur udhëtoni nga Kosova për në Serbi dhe anasjelltas. Ajo që ishte projektuar si masë e përkohshme është përfundimisht e tepërt. Një hap më shumë drejt realitetit në të cilin Serbia de facto e njeh Kosovën si shtet dhe kontribuon për paqen e prosperitetin në rajon”, ka shkruar ajo në rrjetin social “X”.