Kryeministri Edi Rama ka mbledhur sot Kryesinë e Partisë Socialiste për të finalizuar listën e kandidatëve për zgjedhjet e pjesshme në 6 bashki të vendit, të cilat do të mbahen në 9 Nëntor.
Kandidatja e parë që u prezantua nga Rama ka qenë Ogerta Manastirliu për zgjedhjet e Bashkisë Tiranë, emrin e të cilës kryeministri e bëri publik gjatë Asamblesë së Partisë Socialiste, rreth një muaj më parë.
Pas përfundimit të mbledhjes, drejtuesit politik të qarqeve, dolën para selisë rozë duke publikuar emrat e kandidatëve në 6 bashkitë.
Kandidat për Bashkinë e Tepelenës, do të jetë Gramoz Sako, i cili më herët ka qenë në krye të Gardës së Republikës.
Altin Bojni është kandidati që PS ka zgjedhur për Bashkinë e Matit.
Në Berat, Ervin Ceca është kandidati i të majtëve në zgjedhjet e 9 Nëntorit.
Në Vlorë, pas dorëheqjes së Ermal Dredhës, deputetja Brunilda Mersini është e zgjedhura e PS për të kandiduar në zgjedhje.
Ndërkohë Florenc Doka do të kandidojë në Bashkinë e Cërrikut.