Të paktën 53 persona janë vrarë në qytetin Kerman në Iran, ku po mbahej një ceremoni në përvjetorin e vrasjes së komandantit të lartë të Iranit Qassem Soleimani, në dy shpërthime të regjistruara sot.
Irani i përshkroi shpërthimet si “sulme terroriste”, që ndodhën pranë varrit të Qassem Soleimani.
Ky i fundit u vra nga një sulm ajror amerikan në Aeroportin Ndërkombëtar të Bagdadit katër vjet më parë.
Videot e postuara në mediat shtetërore iraniane treguan turma të mëdha që vraponin në zonë pas shpërthimeve.
Dikur një nga njerëzit më të fuqishëm të Iranit, Soleimani ishte kreu i Forcës Quds të Gardës Revolucionare, një njësi elitare që merret me operacionet jashtë shtetit të Iranit dhe që u konsiderua si një organizatë e huaj terroriste nga SHBA.