Këshilli i Ministrave ka miratuar disa ndryshime të reja në kabinetin qeveritar. Tre zëvendësministra janë liruar nga detyra dhe posti që mbanin në ministritë përkatëse.
Konkretisht, Ilva Gjuzi që mbante postin e zëvendësministres së Turizmit dhe Mjedisit është liruar nga detyra.
Po ashtu edhe Ceno Klosi, zëvendësministër i Infrastrukturës dhe Energjisë, si dhe Romina Kuko, zëvendësministre në Ministrinë e Brendshme.
Tre emrat e mësipërm janë zgjedhur deputetë në zgjedhjet e përgjithshme të 11 majit.