115 kallëzime janë regjistruar në SPAK në lidhje me krimet zgjedhore. Përmes një njoftimi zyrtar, SPAK thotë se kallëzimet kanë ardhur nga subjekte politike, Policia e Shtetit, denoncime nga Platforma Online dhe nga qytetarët.
Po ashtu disa prej tyre janë të iniciuara kryesisht nga Struktura e Posaçme kundër Korrupsionit dhe Krimit të Organizuar.
Nga 115 kallëzime, për 35 raste SPAK njofton se ka nisur hetime.
“Janë regjistruar 115 materiale kallëzuese, ku përfshihen:
•Kallëzime nga subjekte politike
• Referime nga Policia e Shtetit
• Të iniciuara kryesisht nga Struktura e Posaçme kundër Korrupsionit dhe Krimit të Organizuar
• Denoncime nga Platforma Online
• Denoncime nga qytetarët
• Materialet kallëzuese nga subjektet politike janë 25.
• Në platormën online kanë mbërritur 35 materiale kallëzuese
• Janë regjistruar 35 procedime penale.
• Dhe nga këto procedime, 8 prej tyre janë të regjistruara kryesisht – dmth të iniciuara nga SPAK”- thuhet mes të tjerash në njoftimin e SPAK.