Deklarata për Roaming BE-Ballkani Perëndimor, e nënshkruar në Samitin BE-Ballkani Perëndimor në Tiranë më 6 dhjetor 2022, ka hyrë zyrtarisht në fuqi, duke shënuar kështu datën e një ndryshim të madh.
Lajmin e ka bërë të ditur sekretarja e Përgjithshme e RCC, Majlinda Bregu. Duke nisur nga ky tetor, kufiri i çmimit për 1 GB roaming i të dhënave në kuadër të ofertave dhe paketave speciale, në përputhje me Deklaratën e Roaming, nuk duhet t’i kalojë 18 euro, duke e bërë kështu udhëtimin dhe komunikimin mes BE-së dhe BP-së dukshëm më ekonomik.
Në shumë raste, kufiri i çmimit prej 18 eurosh brenda ofertave dhe paketave speciale shkon edhe shumë më i ulët, deri në 1.6 euro për 1 GB, ndërsa tre operatorë të Ballkanit Perëndimor, krahas çmimeve të paketave të ulura edhe të rregullta, do të operojnë dhe me çmimet sipas modalitetit “pay as you go” (që do të thotë se nuk duhet të blesh asnjë paketë ekstra, ndërsa udhëton, veçanërisht për udhëtime të shkurtra).
“Tetori 2023 nisi
. Eshtë koha që premtuam se do të flasim më lirë me Europën. Ose më Lirshëm dhe kur cmimet e telefonatave tona në roaming Bashkimi Evropian(BE) -Ballkani Perendimor(BP) do të fillonin të binin, bashkë me gjethet e vjeshtës 
Prej sot, flasim më lirë e lirshëm me Europën Sic premtuam, bashkë me gjethet e vjeshtës, do të bien edhe çmimet e Roaming mes Europës 
dhe Ballkanit.Nga 30% -99% ulje.Deri në 95% ulje në Shqipëri dhe deri 99% në Kosovë
Mos harro, kontrollo e pyet për uljet kompaninë tënde celulare”, shkruan Bregu.