Është mbledhur pasditen e sotme Kryesia e PD, teksa është bërë publike lista e drejtuesve politikë sipas qarqeve, teksa pak muaj na ndajnë nga zgjedhjet e ardhshme parlamentare.
Ata do të udheheqin betejën elektorale të opozitës përballë socialistëve, duke punuar fort për të fituar zgjedhjet në vitin 2025.
Flamur Noka, Sekretar i Përgjithshëm i PD-së dhe Edi Paloka, kryetari i Këshillit Kombëtar janë caktuar në krye të fushatës në të gjithë Shqipërinë, duke pasur përgjegjësi për koordinimin dhe drejtimin e strategjisë elektorale të partisë në nivel kombëtar. Tirana i është besuar Belind Këlliçot, Fieri Gazment Bardhit ndërsa Elbasani Ervin Salianjit.
Më herët kreu i PD, Sali Berisha edhe pse në arrest shtëpie, iu drejtua demokratëve përmes një video-mesazhi, ku tha se kanë hyrë në një vit elektoral dhe duhet të zgjidhin disa probleme madhore, duke u ndalur tek vota e lirë.
Lista e drejtuesve politikë për çdo qark:
Tiranë: Belind Këlliçi
Durrës: Oerd Bylykbashi
Lezhë: Agron Gjekmarkaj
Shkodër: Luçiano Boçi
Fier: Gazment Bardhi
Kukës: Flamur Hoxha
Dibër: Xhelal Mziu
Elbasan: Ervin Salianji
Korçë: Ivi Kaso
Berat: Eno Bozdo
Vlorë: Bujar Leskaj
Gjirokastër: Tritan Shehu